ياللي خذيت القلب لا هنـت رده
رده اذا ما عاد لـك حاجـةٍ فيـه
الشاهد الله مـا نويـت أستـرده
ومفارق الأحباب مانـي بناويـه
ياكثر مـا يغليـك والـود وده
يبقى معك ليـن المنيـة توافيـه
مير الهوى قتال لا رحـم جـده
والبعد والحرمان أقسـى معانيـه
أنا أدري أنـك بالمـودة تـوده
وتحاول أنك فـي حياتـه تهنيـه
لكن ظروفك ما هـي بمستعـده
تمنعك عن صاحبك ما تقدر تجيه
حاجز طريقك ما أنت قادر تهده
محتار ما تدري وش اللي تسويـه
لن كان في خاطرك شيٍ تعـده
تعـال قـدام المقاديـر تطويـه
مهما حصل صاحبك ما باح سده
ما يلحقك مـلام منـه ومشاريـه
موضوع: ياللي خذيت القلب 
الأحد ديسمبر 19, 2010 12:20 am